Draeibroaien wa’s dat?

Draaibraaien – draeibroajen is:

Een gerecht roostern boven een houtvuur, op een bewegend rooster.

Vleesch, visch of vegetarisch.

 

Draeibroaien of as i’j dat mooier vindt, zwenkbroaien, zwaaibroaien of schungelbroaien, is een bezigheid, die de bewoners van de buurtschap Halle-Heide kent as gin ander. Bi’jnoa ieder gezin hef wel een draeibroai thuus stoan of leent d’r geregeld ene.

I’j mag ‘t ok “Schwenkbraten” numen zoas de Duutsers dat doet. Van olds hen is ‘t een Saarlands gebruuk.

Veur dat Schwenkbraten en Schwenkbratapparat kon ik gin passend achterhoeks woord vinden; zwokbroaien, slingerbroaien, zwenkbroaien löp toch niet, of vin i’j van wèh?

Draeibroaien klönk nog ‘t beste.

En a’j dan noar de zuudafrikaanse “braai” kiekt, kump dat as belaeving mooi in de buurte. D’r kump van alles bi’j kieken:

 

Een duftig vuur stokken, met richtige blökke holt, liefst beuken.

– Niet zo’n vitterig holtskoal vuurken.

Een fatsoenlijk stuk vleis uutzuken en kruden.

Broajen op een gemudelijken maniere, liefst met een pötjen bier of wien d’rbi’j.

’t klönk as kaerls wark, moar ok vrouwluu doet moar wat graag met.

 

Want woar geet ‘t hele draeibroaien um?

Vuurtjen stokken, vleis broaien, d’r gemudelijk een slöksken bi’j drinken en, as ‘t wat kolder wördt, ow warmen as bi’j ‘t kampvuur. Wie vindt dat now niet mooi.